Radio Kalahari Orkes

Radio Kalahari Orkes

Radio Kalahari Orkes | Suid Afrikaanse Kunstenaars

Radio Kalahari Orkes is ‘n Suid Afrikaanse musiekgroep. Sedert hulle bekendstelling in 2005, het hulle die harte en voete van die hele nasie landwyd opgeëis.

Hulle navolgers is so wydversrpeid soos hulle musiek, almal word geraak en geamuseer deur die ‘orkes’.

Staan My By - Radio Kalahari Orkes
Blaas Jou Vuvuzela - Radio Kalahari Orkes (Feat. Jack Parow)
Kry 'n kwotasie
Indien daar meer as een kunstenaar optree moet daar 'n klankmaatskappy ingehuur word deur die kliënt.
Indien die kliënt klank voorsien, moet dit aan die spesifikasies van die kunstenaar se tegniese vereistes voldoen.

Diskografie

Stoomradio – 2005

Die Nagloper – 2007

Heuningland – 2010

Grootste Treffers – 2011

Biografie

Sedert Radio Kalahari Orkes (RKO) se bekendstelling in 2005 KKNK, het hulle die harte en voete van die hele nasie landwyd opgeëis.

Hulle navolgers is so wydversrpeid soos hulle musiek, almal word geraak en geamuseer deur die ‘orkes’.

Voor in die koor is die geliefde stoepsitter van die Kalahari-oase, Boet (Ian Roberts). Hy lei die orkes in ’n lewendige, soms aweregse vertoning van die beste musiek wat Afrikaans sekerlik tans bied. Hulle kan sing! En mondfluitjie speel, riel, dans en kitare slaan…

RKO was ’n treffer by Oppikoppi en Innibos. By die KKNK het mense agter hulle aangeloop van vertoning na vertoning. In Pretoria was elke optrede van RKO weke vooruit volbespreek.

Die musiek is uniek en eg-Suid-Afrikaans, met invloede uit die hele skatkis van die land se kulture.

Op die album word geen genre met rus gelaat nie, van goema tot rock; kwaito tot boeremusiek… en natuurlik nog vele meer.

Die orkes se instrumente sluit in kitare, banjo’s, mandolien, mondfluitjie, kazoo, pennywhistle, viool, dromme… en die pragtige Krummelpoppies se agtergrondstemme.

RKO beoog om binne die volgende paar maande hul volgende cd uit te bring. Hulle belowe om mense weer van hul stoele af te lig en op die dansvloer te kry.

Die songs se lirieke draai ook nie doekies om nie. Die hele landskap van Suid-Afrikaner wees word ondersoek – van rugby tot affirmative action, van liefdesleed tot vleis-eet.

Uit die pen van Ian Roberts kom ook ‘n skitterende lied oor die baasspeurder Piet Byleveld.

Die manne agter meeste van die wysies is hoofsaaklik Dan Roberts en skrywer-joernalis Rian Malan. Wat ook sy eie album Alien/Inboorling vrygestel het en met geweldige entoesiasme ontvang is.

Malan het ook die Teaterstuk, Die Nagloper geskryf. Wat handel oor die lewe van die 1930’s se boeremusiek-held, David de Lange. RKO sal in die toekoms ook hierdie opwindende nouveu-boeremusiek songs by hulle vertoning voeg –

So, trek aan jou opskopskoene, want hier kom ʼn ding.

Suid Afrikaanse Kunstenaars

Blue Division
On Stage logo
Musiekhuis