Ricus Nel

Ricus Nel

Ricus Nel | Suid Afrikaanse Kunstenaars

Ricus Nel is ‘n Suid Afrikaanse musikant, sanger en liedjieskrywer. Sy talent en passie vir musiek het oor die afgelope paar jaar van hom ‘n huishoudelike naam in Suid Afrikaanse musiek gemaak. 

Ricus Nel - Bokkies Jag
Ricus Nel - Boerepompie ft. Snotkop
Kry 'n kwotasie
Indien daar meer as een kunstenaar optree moet daar 'n klankmaatskappy ingehuur word deur die kliënt.
Indien die kliënt klank voorsien, moet dit aan die spesifikasies van die kunstenaar se tegniese vereistes voldoen.

Diskografie

Sak en Pak – 2011

Sout van die Aarde – 2013

‘n Spesiale Aand Met Ricus Nel – 2013

Ouskool – Boerseun – 2016

Sinkplaat Sessies (Lewendige Opname) – 2017

Bring Hulde Aan Worsie Visser – 2017

Pure Plaas – 2019

Biografie

Ricus Nel is ‘n Suid Afrikaanse musikant, sanger en liedjieskrywer. Sy talent en passie vir musiek het oor die afgelope paar jaar van hom ‘n huishoudelike naam in Suid Afrikaanse musiek gemaak. 

Vingers wat ewe flink met ‘n pen as met ‘n hele rits musikale instrumente kan toor en sy growwe country-rock stem het dié sanger sommer gou by duisende musiekliefhebbers laat aanklank vind.

Hoewel Ricus, voordat hy voltyds tot die musiekbedryf toegetree het, by ‘n platinummyn, ‘n tabak koöperasie en ‘n musiekwinkel gewerk het, was musiek dit wat die sterkste deur sy are gepols het. 

Reeds op 4-jarige ouderdom het hy sy eerste instrument, dromme, begin bespeel. Iets wat uiteindelik een van dertien instrumente sou word wat hy bemeester het.

Hy het later aangesluit by sy pa-hulle se boereorkes. Waar hy gedurende sy laerskool- en hoërskoolloopbaan verder kon skaaf aan sy instrumentale-, sowel as sy vokale vernuf. 

Hy onthou met ‘n glimlag dié “Lekker ou Jan”-tye as van die beste in sy lewe.

Nadat hy in 1998 matrikuleer het, het Ricus soos vele ander musikante in kroeë gespeel. Totdat hy uiteindelik in 2003 sy voet formeel in die deur van die musiekbedryf gekry het. As lid van Dozi se orkes by Hartebeespoortdam.

Hierna het hy sy talente geleen aan ‘n hele rits groot name se opvoerings, DVD-produksies en TV-reekse. Wat Theuns Jordaan en Juanita du Plessis se duet-DVD, Bok van Blerk se orkes, KKNK, Skouspel, Innibos, ‘Dis hoe dit is met Steve’ en ‘Jukebox’ met Kurt Darren insluit. 

Hy het ook in Londen opgetree tydens die ou UKasie-fees en ook gehore in Australië, Kanada en die VSA bekoor met sy talent.

Ricus het sy eerste solo-album, ‘Sak en pak’, in 2011 vrygestel. Dit is met oorweldigende ondersteuning deur Suid-Afrikaanse gehore ontvang en het later goue status bereik. 

Dit is gevolg deur die vrystelling van ‘Sout van die aarde’ in 2013. Ook ‘Ricus Nel sing Don Williams en ander country legendes’ in 2014. ‘n Album wat ook binne net ‘n paar maande die goue-kerf verbygesteek het.

Oorspronklike treffers soos ‘Sak en pak’, ‘Spyt kom te laat’, ‘Windgat, my honne’ en ‘Nogsteeds so lief vir haar’.

Sowel as Ricus se vertolkings van ‘I recall a gypsy woman’. ‘Some broken hearts never mend’, ‘You’re my best friend’ en ‘Lay down beside me’ het landswyd opslae op radio-ranglyse gemaak.

Een van die groot hoogtepunte van sy loopbaan tot dusver was om die wêreldbekende Air Supply in 2014 by die Grand West Arena in Kaapstad in te lei tydens hul wêreldtoer.

Suid Afrikaanse Kunstenaars

Blue Division
On Stage logo
Musiekhuis