Hennie de Bruyn en die Kitaarkerels | Suid Afrikaanse Kunstenaars

Hennie de Bruyn en die kitaarkerels is ‘n moet vir jou volgende funksie of fees. Skuif weg die tafels, want die Kitaarkêrels met hul warm vingers gaan die voete vas aan die vloer hou.

Diskografie

Silwer Gospel Snare – 2008

Vuurwarm Vingers – 2008

Kitaar Trippel – 2008

Warmvat Snare – 2008

Vurige Snare – 2009

Rig Jou Hande Na Bo – 2009

Kitaar Kwêla – 2013

Skoffel In Die Skuur (Deluxe) – 2014

Weskus Snare 2015 – 2015

Bosveld Kitare – 2016

Kalahari Skoffeltyd – 2018

3 Ghitaar Jolyt – 2019

Biografie

Hoe moeiliker dit gaan met die land en die feit dat ons meer in donker gehul is as lig, keer dit nie die Kitaarkêrels om Jolyt te hou nie. Ja, hulle lig sommer die gemoed uit staanspoor met SHARKY TOWN SKOFFEL; die eerste snit op hul splinternuwe album, 3 Ghitaar Jolyt.

Hennie de Bruyn het homself deur die jare oor en oor bewys hy is ‘n kêrel wat ‘n kitaar kan slaan en sáám is die driemanskap pure jolyt as hul die kitare nader trek.

Hennie de Bruyn het die kuns vervolmaak om musiek te maak wat nie net lekkerluister is nie.

Maar ook lekker-dans-musiek is. Met vinnige vingers TIPPI TIN hulle oor die snare, maak ‘n LANGPAD KWELA kort en met FANIE EN PENNY SE SETEES is dit net een pad, KOM LAAT ONS DANS.

Ja, als treffers van die album. Daar’s iets vir die NOOINTJIE VAN MY HART en selfs ‘n TAMMALETJIE of twee. Terwyl SPOORNET SETEES waarmee hul die album afsluit, amper nostalgies is met die trein se shant en die spore wat agter lê soos die brug van ‘n kitaar wat neergelê word. Amper spyt die album is ‘verby’…

Hennie was al die jare ‘n ambagsman, maar het reeds op die ouderdom van tien jaar geleer hoe om die kitaar te bemeester.

Vandag is Hennie ‘n huishoudelike naam met al meer as 23 albums op die rak, DVD’s, SATMA-, SAMA en GHOEMA-toekennings om maar ‘n paar hoogtepunte te noem.

Hennie de Bruyn en die kitaarkerels is ‘n moet vir jou volgende funksie of fees. Skuif weg die tafels, want die Kitaarkêrels met hul warm vingers gaan die voete vas aan die vloer hou.

Suid Afrikaanse Kunstenaars